«Barcelona» jamoasi katta o'yinlar oldida qiyinchiliklarga duch kelishni boshladi. Xans-Diter Flik boshqaruvidagi jamoa seshanba kuni Chempionlar ligasi doirasida «PSJ»ga 2:4 hisobida mag'lub bo'ldi. Yakshanba kuni esa katalonlar «Real»ga, o'z maydonlari «Kamp Nou»da 1:2 hisobida yutqazishdi.
Qiziq tomoni shundaki, ushbu ikki o'yindan oldin «Barcelona» mavsumda 11 ta o'yinini ketma-ket g'alaba bilan yakunlagan edi. Endi esa – ikki mag'lubiyat.
«El Clasico»dagi mag'lubiyatga qaramay, «Barcelona» La Liga jadvalida birinchi o'rinda turibdi. Biroq, katalonlarning yetakchiligi endi shunchalik mustahkam emas – «Atletiko» ikki ochko ortda, «Real» esa uch ochko farq bilan kelmoqda.
«Barcelona»ning keyingi o'yini 31 oktyabrda «Alaves»ga qarshi o'z maydonida bo'lib o'tadi.