«Barselona»ning bosh murabbiyi Hans-Diter Flik jamoada bir qator ierarxiyalarni qayta ko'rib chiqdi. Bu esa darvozabonlar ierarxiyasiga taalluqlidir – unda Dominik Livakovich Voytsekh Shchensni ortda qoldirdi.
Endi Livakovich «Barselona»ning ikkinchi darvozaboni bo'lib, Shchensni uchinchi o'ringa tushib qoldi. Flikning bu qarori faqat sport maqsadlariga asoslangan, deb yozadi «Gazeta.Ru» El Nacionalga tayanib.
««Barselona»da Livakovich – Joan Garciyani zarur bo'lganda almashtira oladigan, ishonchli darvozabon hisoblanadi. Uning xalqaro maydondagi tajribasi, bosim ostida ishlash qobiliyati va barqarorligi uni rotatsiya uchun ancha ishonchli variantga aylantiradi», - deya qayd etilgan El Nacional sahifalarida.
Avvalroq Shchensni Flikning ishonchiga ega edi – nemis polshalikning xarakterini va maydondagi bosimga bardosh bera olish qobiliyatini yuqori baholardi. Biroq, Flik allaqachon ierarxiya turli pozitsiyalarda o'zgarishi mumkinligini bildirgan, agar boshqa futbolchi yaxshiroq o'ynasa.
Shanba, 10-oktabr kuni «Barselona» La Ligada «Xetafe»ni qabul qiladi.