«Barselona» yarimhimoyachisi Frenki de Yong jarohatdan tiklanishni davom ettirmoqda. Dushanba kuni gollandiyalik futbolchi «Barselona» trening markazida maydonga chiqib, jamoadan alohida mashg'ulot o'tdi, deb xabar beradi Mundo Deportivo.
Shuningdek, Joan Garciya va Rafinya ham individual ravishda mashg'ulot o'tashdi.
Himoyachi Erik Garciya umumiy guruhda mashg'ulot o'tdi. U avvalroq Ispaniya terma jamoasi yig'inini tark etgan edi, chunki u Angliya bilan o'yin oldidan isinish paytida tizzasida noqulaylik his qilgan.
«Barselona»ning keyingi o'yini 10-oktabrda «Kamp Nou»da «Xetafe»ga qarshi bo'lib o'tadi. Hans-Diter Flik boshqaruvidagi jamoa turnirda 21 ochko bilan yetakchilik qilmoqda, raqibi esa 8 ochko bilan o'n birinchi o'rinda turibdi.