«Barselona» yarim himoyachisi Dani O'lmo Ispaniya futbolidagi hakamlik mojarolari haqida savolga javob berdi.
Matbuotda Madrid derbisi davomida hakamlik masalasi hali ham muhokama qilinmoqda, bu esa «Real» vakillarining noroziligini keltirib chiqardi.
«Bizning atrofimizda hech qanday shov-shuv yo'q, chunki biz g'alaba qozonmoqdamiz. Bizni faqat bu qiziqtiradi – o'yinlardagi g'alabalar. Biz maydonda gaplashamiz», – dedi O'lmo, uning fikrlarini Barca Universal keltirmoqda.
«Ko'k-qizillar» joriy mavsumda barcha sakkiz uchrashuvini g'alaba bilan yakunladi. Xans-Diter Flik boshqaruvidagi jamoa La Ligada yettinchi turdan so'ng 21 ochko to'pladi. «Atletiko» va «Betis» 16 ochko bilan orqada qolmoqda, «Real» esa 15 ochko bilan faqat to'rtinchi o'rinda turibdi.