To'qqiz yildan ko'proq vaqt o'tgach, «Selta» va «Valensiya» hujumchisi Santi Mina bilan bog'liq sud jarayoni nihoyasiga yetmoqda. U Almeriyadagi diskotekada qizni zo'rlagani uchun to'rt yil qamoq jazosiga hukm qilingan va shu vaqtgacha jazodan qochishga harakat qilgan.
Ispaniya Oliy sudi yaqinda sobiq «Valensiya» o'yinchisi Santi Minani to'qqiz yil oldin sodir etilgan jinsiy zo'ravonlik uchun to'rt yil qamoq jazosini o'tashga majbur ekanligini tasdiqladi, deb xabar beradi derbyderbyderby.it. Mina o'zini oqlashni talab qilgan, ammo uning arizasi rad etilgan.
Jabr ko'rgan ayol sobiq hujumchini sakkiz yil qamoq jazosiga hukm qilishni talab qilgan, ammo Oliy sud bu talabni ham rad etdi. Bundan tashqari, 1995 yilda tug'ilgan futbolchi jabrlangan ayolga 25,000 evro miqdorida kompensatsiya to'lashi shart.