Madriddagi Real hujumchisi Kilian Mbappe o'zining mashhurligi kundalik hayotiga qanday ta'sir qilishini aytib berdi.
Fransuz futbolchisidan, oddiygina ko'chaga chiqib sayr qilish imkoniyati bor-yo'qligi so'raldi.
- Ha, lekin bu juda tez-tez bo'lmaydi. Ba'zan buni o'zimga ruxsat beraman. Men buni tinchlik bilan qabul qilaman. Bu normal, bularning barchasi - mening ishlarim va hayotimning bir qismi, va men buni to'liq qabul qilaman, - deya Mbappening so'zlarini keltiradi AS.
Fransuz 2024 yilning yozidan beri Realda o'ynaydi. U Madrid klubiga «PSJ» bilan shartnomasi tugagach, erkin agent sifatida o'tdi. Ispaniyaga ko'chishdan oldin, hujumchi parijliklar safida yetti mavsum o'tkazdi.