«Real» The Athletic ma'lumotlariga ko'ra, 19 yoshli qanot o'yinchisi Yan Diomandeni transfer qilish bo'yicha «RB Leypzig» bilan muzokaralarni boshladi.
«Real» Diomandeni Braima Diasning mumkin bo'lgan ketishi holatida hujumning o'ng qanotini kuchaytirish uchun variant sifatida ko'rmoqda. O'yinchiga «PSJ» va «Liverpul» ham qiziqmoqda, lekin bu klublar yetarlicha mablag' taklif qila olishmadi. «RB Leypzig» futbolchini taxminan 130 million evroga baholamoqda.
«Bizning aniq niyatimiz - Yan Diomandeni kelasi mavsumda «RB Leypzig»da o'ynatishdir», - dedi klubning sport direktori Marsel Shefer.
Diomande bir yil oldin «Leganes»dan «Leypzig»ga o'tdi. O'tgan mavsumda u 33 Bundesliga o'yinida 12 gol urdi va 9 golli uzatma berdi.
