Munxenning «Bavariya» jamoasi yarim himoyachisi Konrad Laymer bilan yangi mehnat shartnomasini imzolaydi. Bu haqda iMiaSanMia akkauntida xabar berilgan.
«Laymer klub bilan yangi shartnoma imzolaydi», - dedi Munxenning yirik jamoasi kuzatuv kengashi a'zosi Uli Hyoness.
Laymer va «Bavariya» o'rtasidagi amaldagi mehnat shartnomasining muddati kelasi yilning o'rtalarigacha mo'ljallangan.
O'tgan nemis Bundesligasida 29 yoshli avstriyalik yarim himoyachi 29 ta o'yinda maydonga tushdi. Konrad uchta gol urdi, to'qqizta golli uzatma berdi va to'qqizta sariq kartochka oldi.
