33 yoshli Myunxenning «Bavariya» forvardi Garri Keyn klub bilan yangi mehnat shartnomasini imzoladi. Bu haqda nemis gigantining matbuot xizmati xabar berdi.
Tomonlar o'rtasidagi kelishuv 2029 yilgacha mo'ljallangan. Mashhur jurnalist Floryan Plettenbergning ma'lum qilishicha, yangi shartnoma bo'yicha «Oltin to'p» sohibining maoshi yiliga kamida 25 million evro bo'ladi. Hujjatlar 4-noyabr, chorshanba kuni imzolandi.
Keyn 2023 yildan buyon «Bavariya» uchun o'ynaydi. Shu vaqt ichida forvard 161 o'yin o'tkazdi, 156 gol urdi va 41 golli uzatma berdi.
«Bavariya» bilan birga Keyn ikki marta Germaniya chempioni bo'ldi, Kubok va ikki marta mamlakat Superkubogini qo'lga kiritdi.