«Pari Sen-Jermen» qanot o'yinchisi Bradli Barkola yangi shartnoma tuzishi mumkin. Kelasi hafta parijliklarning vakillari 23 yoshli futbolchining agenti bilan uchrashuv o'tkazib, mehnat shartnomasini uzaytirish imkoniyatlarini muhokama qilishadi, deb xabar beradi insayder Fabrizio Romano o'z hisobotida.
Bradli Barkolaga «Liverpul», «Arsenal» va boshqa evropalik yirik klublar qiziqish bildirmoqda. «PSJ» allaqachon potentsial xaridorlarga o'yinchidan voz kechmoqchi emasligini ma'lum qildi, shuning uchun undan katta summani talab qiladi.
Barkolaning Transfermarkt portalidagi narxi 70 million evro. Fransuzning «PSJ» bilan amaldagi shartnomasi 2028 yilgacha mo'ljallangan.
