«PSJ» portugaliyalik «Braga» klubiga Marius Dorzelesning kelajakdagi transferi uchun ustunlik huquqi uchun 3,3 million evro to'lagan. Bu haqda Foot Mercato xabar bermoqda.
Shartnoma haqida ma'lumot «Braga»ning moliyaviy hisobotlari e'lon qilinganidan keyin ma'lum bo'ldi. To'lov «ustunlik huquqi» sifatida rasmiylashtirilgan. Bu to'lov Dorzelesning kelajakda «PSJ»ga o'tishini kafolatlamaydi, balki Parij klubiga o'yinchini sotish imkoniyatida ustunlik beradi.
Dorzeles 2025 yil yozida daniyalik «Norshellan» klubidan portugaliyalik klubga o'tgan. «Braga»da debyut mavsumida o'yinchi barcha musobaqalarda 39 o'yin o'ynab, 7 gol urdi va 4 assist berdi.
Oldinroq Dorzelesga qiziqish «Arsenal», «Chelsi», «Nyukasl» va «Brayton» bilan bog'langan edi.