Avvalgi Angliya terma jamoasi hujumchisi Piter Krauch «Chelsi»ning «Arsenal»ga qarshi uchrashuvda g‘alaba qozonishini 3:2 deb bashorat qildi. Bu haqda Goal xabar bermoqda.
«Ikkala jamoa hozirda yaxshi ko‘rinmoqda. Men barchani hayratda qoldirishga jur'at etaman va «Chelsi»ning 3:2 hisobida g‘alaba qozonishiga pul tikaman. Ular allaqachon o‘zlarini chempionlikka da’vogar sifatida tanitdilar», - dedi Krauch.
Avvalgi futbolchi «Chelsi»ning hujum potentsialini ham ta’kidlab, Joao Pedroni alohida ajratib o‘tdi:
«Men uning o‘yinini tomosha qilishni yoqtiraman. U futbol o‘ynashdan zavq olayotganini ko‘rish mumkin. O‘ylaymanki, bu mavsumda u ko‘p gol uradi. Neta juda tez va yaxshi imkoniyatlar yaratadi. «Chelsi»da bir necha ijodkor o‘yinchilar bor. «Chelsi»ning yagona muammosi - himoya. O‘ylaymanki, ular gol o‘tkazishadi. «Brayton» ularga uchta gol urdi», - deya qo‘shib o‘tdi.
«Arsenal» va «Chelsi» o‘rtasidagi uchrashuv 6-sentabr kuni bo‘lib o‘tadi. Ikkala jamoa 6 ochko to‘plagan va liderlar guruhida bormoqda.