«Manchester City» «Chelsi» yarim himoyachisi Enzo Fernandesni sotib olish g‘oyasidan voz kechmagan.
Argentinalik futbolchining nomzodi «shahar»ning ichki yig‘ilishlarida hali ham muhokama qilinmoqda, deb xabar beradi insayder Fabrizio Romano. 25 yoshli futbolchining agenti Xavyer Pastore ham o‘z mijozining potentsial transferi haqida muntazam ravishda suhbatlar olib bormoqda.
«Agar «Manchester City» yana bir urinish qilib, «Chelsi» bilan muzokaralarga kirishga harakat qilsa, hayron bo‘lmayman», – dedi Romano.
Avvalroq, Londondagi klub 14 avgustdan keyin Enzo Fernandesga takliflarni ko‘rib chiqmaydi, deb xabar berilgan edi. Muddat o‘tganiga qaramay, yarim himoyachining mumkin bo‘lgan ketishi haqidagi mish-mishlar tinmayapti.