«Liverpul» va «Komo» o‘rtasidagi do‘stlik o‘yinida italiyalik himoyachi Alberto Dossena jarohat oldi. O‘yin «Liverpul»ning mashg‘ulot bazasida bo‘lib o‘tdi va 0:0 hisobida tugadi.
O‘yinda 27 yoshli Dossena havo kurashi natijasida noto‘g‘ri qo‘nib, barmog‘ini chiqardi. «Liverpul» klubining telekanali jarohatni jonli efirda yaqin planda ko‘rsatdi.
O‘yin davomida ko‘rsatilgan sahna tomoshabinlarni xafa qilishi mumkinligini anglab, LFCTV sharhchisi Stiv Xanter o‘zining rasmiy uzrini efirda bildirdi.
Dossenaga tibbiy yordam ko‘rsatildi va jarohatlangan barmog‘i bandajlandi. Jarohatga qaramay, himoyachi maydonga qaytib, o‘yinning qolgan qismini o‘ynadi.
«Liverpul» va «Komo» o‘rtasida yakshanba kuni ikki do‘stlik o‘yini o‘tkazildi. Ikkinchi o‘yinda ingliz jamoasi 2:0 hisobida g‘alaba qozondi.