«Chelsi»ning qanot o'yinchisi Pedru Neto yana «Al-Xilal»ning transfer maqsadlari qatorida ko'rinmoqda.
Saudiya klubining portugaliyalik o'yinchiga qiziqishi haqida ma'lumot o‘tgan oyda paydo bo'lgan edi. Yangilangan ma'lumotlarga ko'ra, jurnalist Janluidji Longari xabar berishicha, «Al-Xilal» jiddiy ravishda Neto bilan Malcom o'rnini to'ldirish imkoniyatini ko'rib chiqmoqda. Braziliyalik futbolchi transfer oynasi yopilishidan oldin klubni tark etishi mumkin.
Pedru Netoning bozor qiymati Transfermarkt portali tomonidan 60 million evro deb baholangan. 26 yoshli futbolchining «Chelsi» bilan tuzilgan amaldagi shartnomasi 2031 yilning o'rtalarigacha davom etadi.
«Al-Xilal» o‘tgan mavsumda Saudiya Arabistoni chempionatida ikkinchi o'rinni egalladi.