«Tottenhem» «Manchester Siti»ga braziliyalik hujumchi Savinyo uchun 98 million evro miqdorida rasmiy taklif yubordi. Londondagi klub, «Siti» dastlab o'yinchi uchun so'ragan summani to'pladi, ammo manchesterliklar hozircha ijobiy javob bermadi, deb xabar bermoqda Globo.
22 yoshli Savinyo, «Tottenhem»ga o'tishni xohlayotgan holda, payshanba kuni «Manchester Siti»ning mashg'ulotida ishtirok etmadi.
Savinyo «Siti» tarkibida o'tkazgan ikki mavsumda 84 o'yin o'tkazib, 7 gol urdi va 13 golli uzatma berdi, 3 ta kubokni qo'lga kiritdi. O'tgan mavsumda u 36 o'yinda faqat 14 marta asosiy tarkibda maydonga tushdi.
Klub o'rtasidagi muzokaralar davom etmoqda. 1 sentyabrda transfer oynasi yopilishidan oldin vaziyat hal etilishi kutilmoqda.