O'ng qanot himoyachisi «Chelsi» Malo G'usto joriy transfer oynasida klubini o'zgartirishi mumkin. Agar yaqindagi mish-mishlarga ishonilsa, 23 yoshli futbolchiga «Pari Sen-Jermen» qiziqish bildirmoqda. RMC Sport ma'lumotlariga ko'ra, «siniylar» fransuzni yozda, agar aniq taklif kelib tushsa, sotishga tayyor.
G'ustoning bozor qiymati Transfermarkt portalida 35 million evro deb baholangan. O'tgan Angliya Premyer Ligasi musobaqasida futbolchi 34 o'yinda (26 marta asosiy tarkibda) qatnashib, ikki gol urdi va uch assist berdi. Londondagi jamoani u 2023 yildan buyon himoya qilmoqda.