«Manchester Siti» hujumchisi Erling Haaland Ispaniyaga ko'chishi bilan bog'liq xabarlarda tilga olinmoqda.
Norvegiyalik futbolchining «shaharchilar» bilan tuzilgan shartnomasi 2034 yilgacha amal qiladi, ammo turli manbalarga ko'ra, yulduz hujumchi bu kelishuvni oxirigacha bajarishi qiyin.
«O'ylaymanki, Haalandning keyingi qadamini Ispaniya kutmoqda. Qaysi jamoada bo'lishi hozircha aniq emas, lekin u haqiqatan ham La Ligada o'ynashni xohlaydi. Eshitganimga ko'ra, u bir kun kelib Ispaniyada bo'ladi», – deydi taniqli insayder Matteo Moretto, Madrid Universalga ko'ra.
Taxminan, Erling Haalandga jiddiy da'vogarlik qilayotgan ikki jamoa bor – Madridning «Real»i va «Barselona». Transfermarkt portali 26 yoshli futbolchining hozirgi bozor qiymatini 220 million evroga baholamoqda.