Italiyaning «Roma» klubining qanot himoyachisi Uesli bir nechta Angliya Premier Ligasi klublarining e'tiborida.
Football Insider xabariga ko'ra, 23 yoshli braziliyalik futbolchiga «Manchester Yunayted», «Arsenal» va «Nyukasl» qiziqmoqda. Ueslining ikkita qanotda o'ynash qobiliyati «qizil iblislar»ni juda qiziqtiradi. Biroq, «Roma»ning himoyachini taxminan 60 million evroga baholashi bitimni murakkablashtirishi mumkin.
Joriy mavsumda Uesli barcha musobaqalarda sakkizta o'yinda qatnashdi va bitta golli uzatma berdi.
Himoyachining «Roma» bilan amaldagi shartnomasi 2030 yilning o'rtalarigacha davom etadi.