Aytishlaricha, Jadon Sancho, hozirda erkin agent maqomida bo'lgan hujumchi yarim himoyachi, Yaqin Sharqda karerasini davom ettirish imkoniyatiga ega. Bu haqda taniqli insayder Fabrizio Romano ijtimoiy tarmoqlarda ma'lum qildi.
Oldinroq, ingliz qanot o'yinchisi Ispaniya chempionatidan taklif olgani haqida xabarlar tarqalgan edi. Xetafe Sanchoni o'z safiga qo'shib olishga qiziqish bildirmoqda.
26 yoshli ingliz o'yinchisi Manchester Siti akademiyasini tamomlagan. Professional darajada esa u Borussiya Dortmund, Chelsi, Manchester Yunayted va Aston Villa jamoalarida o'ynagan.
U Angliya terma jamoasi safida 23 o'yin o'tkazib, 3 gol urgan.