Yarim himoyachi «Monako» Lamin Kamara hali ham «Liverpul»ning transfer maqsadi sifatida qolmoqda. Bu haqda jurnalist Ekrem Konur xabar bermoqda.
Manbaning ma'lumotlariga ko'ra, kelgusi transfer oynalarida «Liverpul» o'z yarim himoyasini kuchaytirishni rejalashtirmoqda va Kamara klubning maqsadlaridan biri hisoblanadi. O'tgan yozda senegalchining narxi taxminan 55 million evro deb baholangan.
Hozirgi mavsumda 22 yoshli Kamara barcha musobaqalarda jami yetti o'yinda maydonga tushdi, bir gol urdi va bir assist qildi.
Kamaraning «Monako» bilan amaldagi shartnomasi 2029 yilning o'rtalarigacha davom etadi.