Italiya terma jamoasi bosh murabbiyi Roberto Mankini «Manchester Siti»ga qo‘yilgan ayblovlarga izoh berdi va mumkin bo‘lgan qoidabuzarliklar bilan o‘zini aloqador deb bilmasligini ta'kidladi.
Avvalroq «Manchester Siti» moliyaviy qoidalarni buzganlikda 115 ta ayblovdan 114 tasida aybdor deb topilgan. Ushbu ishda Mankinining ikkinchi shartnomasi to‘g‘risidagi da'volar ham mavjud.
«Menimcha, «Manchester Siti» aybdor deb topilmadi, aksincha, bu muammo menga taalluqli emas va bu yangilik emas. Ikkinchi shartnoma - bu mening muammom emas, agar kimnidir qiziqtirsa, bu ularning muammosi», - deya Mankinini Goal nashri keltirmoqda.
Ayblovlar versiyasiga ko‘ra, Mankinining «Manchester Siti»dagi faoliyati davomida ikki shartnomasi bo‘lgan: rasmiy shartnoma yillik taxminan 1,69 million evro miqdorida, shuningdek, Abu-Dabidagi «Al-Jazira» bilan qo‘shimcha shartnoma (yillik to‘lov 2,03 million evro, bu konsultatsiya ishlari yiliga atigi to‘rt kun davom etgan). Ikkinchi shartnoma bo‘yicha mablag‘lar asosan «Manchester Siti» bilan bog‘liq tuzilmalar tomonidan to‘langan.