Markaziy himoyachi Londonning «Arsenal» klubi va Frantsiya terma jamoasining o'yinchisi Vilyam Saliba o'z holati haqida ma'lumot berdi.
25 yoshli futbolchi «uch ranglilar»ga Senegalni jahon chempionatining guruh bosqichidagi birinchi turida (3:1) mag'lub etishda yordam berdi, barcha 90 daqiqani o'ynadi. Bahorda markaziy himoyachi «kanonirlar» tarkibida Premier-ligada g'olib bo'lib, Chempionlar ligasi finaliga chiqdi.
«Men bir necha oydan beri orqamda og'riq his qilyapman. Muhim Premier-liga va Chempionlar ligasi o'yinlari bo'lganligi sababli, sabr qilishga to'g'ri keldi. Jahon chempionati esa har to'rt yilda bir marta o'tkaziladi, shuning uchun adrenalin muammolarni unutishga yordam beradi», – deydi Saliba DailyAFC nashriga bergan intervyusida.
23 iyun kuni soat 00:00 da frantsuzlar Iroq bilan o'yin o'tkazadi.
