Belgiya terma jamoasi bosh murabbiyi Rudi Garciya Jahon chempionatining guruh bosqichidagi ikkinchi turida Eron bilan 0:0 hisobidagi durang haqida fikr bildirdi. Murabbiy natijadan xafa ekanligini tan oldi, lekin jamoasi g'alaba uchun yetarlicha imkoniyatlar yaratganini ta'kidladi.
«Biz xafa bo'ldikmi? Ha, chunki g'alaba qozonishni xohlagandik. Menimcha, biz bu o'yinda g'alaba qozonish uchun yetarlicha yaxshi o'ynadik, zarur imkoniyatlarni yaratdik», - deya murabbiy so'zlarini keltiradi RTBF.
«Ba'zi narsalarni yaxshiroq qilish mumkin edi, avvalo samaradorlik nuqtai nazaridan. Bundan tashqari, 30 daqiqa kamchilikda o'ynash hech qachon oson emas. Ularning darvozaboni o'yinning eng yaxshi o'yinchisi bo'lishga loyiq edi».
«Biz to'pga egalik qilish imkoniyatidan foydalana olmadik. Hozirda bizda 2 ochko bor va oxirgi turda ijobiy natija olishimiz kerak, shunda guruhdan chiqish vazifasini hal qila olamiz. Bu bizning maqsadimiz. Hozirda xotirjamlikni saqlash muhim».
«Bu o'yin davomida ko'rmoqchi bo'lgan jamoamiz emas edi. Oldinga siljish va vertikal o'yin yetishmadi, garchi biz bu ustida maxsus ishlagan bo'lsak ham. Almashishga chiqqan o'yinchilar zarur sifatlarni qo'shishdi, lekin qizil kartochka olingandan so'ng o'ynash ancha qiyinlashdi».
Eron va Belgiya jamoalari har biri 2 ochkoga ega, Yangi Zelandiyada va Misrda esa 1 ochko bor, ular keyinroq o'zaro o'ynaydi. 27-iyun kuni belgiyaliklar Yangi Zelandiyaga qarshi o'ynaydi.
