Mashhur futbol sharhlovchisi Konstantin Genich 2026-yilgi jahon chempionati doirasida Niderlandiya va Shvetsiya terma jamoalari o'rtasidagi o'yin haqida fikr bildirdi.
Avvalroq Genich uzr so'ragan edi, chunki ko'pchilik uning o'yin sharhini yomon deb hisoblagan. Biroq bugun sharhlovchi yana aloqaga chiqdi va o'z reportajini qayta ko'rib chiqqanini ma'lum qildi.
«Kecha yozgan postimni «refleksiya» deb hisoblayman, so'zlarimni qaytarib olaman. Bu sifatli, a'lo darajada tayyorlangan ish edi. Qayta ko'rib chiqib, o'zimga hech qanday da'vo qilmayman. Hatto Gakpo goliga ham. Buni to'liq jiddiylik bilan yozyapman», — deb yozdi Genich o'zining Telegram kanalida.
Shuningdek, sharhlovchi o'zidan norozi bo'lgan hamkasblariga murojaat qilib, ularga o'zlariga ko'proq e'tibor berishlarini tavsiya etdi.
