«Dordrecht»ning bosh murabbiyi Dirk Kuyt klubni tark etishi va «Fenerbahçe»ga qaytishi mumkin. Voetbal International ma'lumotlariga ko'ra, 45 yoshli mutaxassis turk gigantining taklifini qabul qilish va jamoaning yangi murabbiyi Ismail Kartalning murabbiylar shtabiga kirishni niyat qilmoqda.
«Fenerbahçe»ning sobiq Niderlandiya terma jamoasi hujumchisi Kuytga qiziqishi o'tgan haftada ma'lum bo'lgan edi. Kuyt Istanbulga ko'chishga tayyor, ammo «Dordrecht» murabbiyni faqat katta moliyaviy kompensatsiya evaziga qo'yib yuborishga rozi bo'ladi.
Kuyt 2025-yil yozida Niderlandiyaning birinchi divizionidagi «Dordrecht»ni boshqara boshlagan va yaqinda shartnomasini 2028-yilning o'rtalarigacha uzaytirdi. «Dordrecht»ning texnik direktori Syord Ars muzokaralar mumkinligini tasdiqladi.
«Dirk to'g'ri ravishda muzokaralar olib borish uchun ruxsat so'radi. Biz futbol ierarxiyasidagi o'z o'rnimizni tushunamiz. Ammo bu jiddiy moliyaviy kompensatsiya haqida bo'lishi kerak», - dedi Ars.
Agar o'tish amalga oshsa, Kuyt 2012-2015-yillar davomida o'yinchi sifatida faoliyat yuritgan «Fenerbahçe»ga qaytadi.
