«Milan» va «Inter»ning yangi umumiy stadion loyihasi yana kechikish xavfi ostida. Milanlik bir fuqaro shahar hokimiyatiga sudga murojaat qilib, «San-Siro» stadioni atrofidagi yerlarni klublarga berishning qonuniyligini shubha ostiga oldi, deya xabar bermoqda Football Italia.
Manbaning ma'lumotlariga ko'ra, da'vo «Milan» va «Inter»ning qo'shma kompaniyasi - Stadio San Siro SpA ga yer maydonini berish bilan bog'liq. Bitim 2025 yil 5 noyabrda rasmiy ravishda yakunlandi. Da'vogar, munitsipalitet bu jarayonni maxsus tezlashtirganini, yerni 70 yillik stadion yubileyidan atigi besh kun oldin topshirganini ta'kidlamoqda. Ushbu sanadan keyin «San-Siro»ga avtomatik ravishda himoya maqomi berilishi kerak edi, bu esa uning sotilishi yoki buzilishini taqiqlaydi.
«Milan» va «Inter» yangi umumiy stadion qurilishini tezlashtirishni umid qilgan edi, ammo yangi sud tortishuvlari qurilish ishlarining yana kechikishiga olib kelishi mumkin.