«Milan» yarim himoyachisi Luka Modrich o'z jamoadoshi Rafoel Leauning kelajagi haqida fikr bildirdi.
Portugaliyalik qanot o'yinchisi transfer oynasi yopilishidan oldin jamoasini tark etishi ehtimoli yuqori. 27 yoshli futbolchi boshqa chempionatda o'z karerasini davom ettirishni xohlayotganini tan oldi.
«Rafo yetarlicha yetilgan – u o'ziga nima yaxshiroq ekanligini biladi. Biz hammamiz uning haqida qayg'uramiz va u biz uchun qanchalik muhimligini bilamiz.
Leau – shaklga kirganda dunyodagi eng yaxshi o'yinchilardan biri. O'tgan mavsumda jarohatlar bilan omadli bo'lmagan bo'lishi mumkin, lekin umid qilamanki, u qoladi va bizga yangi mavsumni muvaffaqiyatli o'tkazishda yordam beradi», – dedi Modrich Sky Sportga bergan intervyusida.
Rafoel Leau uchun asosiy da'vogar sifatida so'nggi paytlarda turkning «Fenerbahche» klubi ko'rsatilmoqda.