Angliyalik himoyachi Jon Stouns, «Manchester Siti»dan ketganidan so'ng, milanlik «Inter»ga qo'shilishga yaqin. Bu haqida insayder Fabrizio Romano xabar bermoqda.
Jurnalist ma'lumotlariga ko'ra, tomonlar ikki yillik mehnat shartnomasini kelishib oldilar. Tajribali angliyalik futbolchining «nerazzurri»dagi maoshi yiliga to'rt million evro bo'ladi. Tez orada Jon Milan shahrida tibbiy ko'rikdan o'tadi.
32 yoshli himoyachi 2016 yildan 2026 yilgacha «Manchester Siti»da o'ynagan. O'tgan mavsumda APLda Stouns faqat to'qqizta o'yinda qatnashib, gol urmagan.
