Hujumchi yarim himoyachi Franco Mastantuono, Joze Mourinyo rejalari orasida yo'q va yozgi transfer oynasida «Real»ni tark etishi mumkin.
TyC Sports xabariga ko'ra, Mastantuono uchun kurashda «Fiorentina» yetakchilik qilmoqda. Seriya A klubi argentinalik futbolchini sotib olish huquqisiz ijaraga olishni rejalashtirmoqda. Florensiyada Franco muntazam o'yin vaqti oladi, bu esa uning rivojlanishi uchun muhimdir.
Shuningdek, Mastantuono italiyalik pasportiga ega bo'lgani muhim, chunki Seriya Ada u Yevropa Ittifoqidan bo'lmagan futbolchi sifatida ro'yxatga olinmaydi.
Bundan tashqari, Mastantuono bilan boshqa klublar ham qiziqmoqda – «River Pleyt», «Vilyarreal» va «Fulxem» futbolchini kuzatmoqda.
Avgust oyida Franco Mastantuono 19 yoshga to'ladi. Mashhur Transfermarkt portali futbolchining narxini 45 million evro deb baholamoqda.
