Xorvat yarim himoyachisi Luka Modrich o‘tgan turda «Inter» ustidan qozonilgan g‘alabani «Milan»ning joriy mavsumdagi eng yaxshi o‘yini deb hisoblaydi.
«Bu ajoyib g‘alaba edi va menimcha, bu mavsumdagi eng yaxshi chiqishimiz. Biz bu uch ochkoni haqli ravishda oldik — ular bizga ruhiy holatni ko‘tarish va o‘z kuchimizga ishonchni mustahkamlash uchun juda zarur edi. Biz jamoa sifatida o‘smoqdamiz va agar mavsum davomida yuz beradigan o‘yindagi pasayishlarni minimallashtira olsak, chempionlik unvoni uchun kurashish imkoniyatimiz bo‘ladi — bu bizning maqsadimiz. Biz murabbiy g‘oyalarini hayotga tadbiq etishda yaxshilanmoqdamiz; biz to‘g‘ri yo‘ldamiz va stadionimiz bizga kuchli turtki beradi — «Milan» muxlislari juda ajoyib», - deydi Modrichning so‘zlarini pianetamilan.it sayti keltirmoqda.
Esda tuting, Modrich 2025 yildan beri klubda to‘p surmoqda.