«Milan» qanot o'yinchisi Krishtian Pulisich yaqin kunlarda shartnomasini uzaytirishi mumkin.
Tomonlar kelishuvga yaqin, deb xabar bermoqda insayder Nikolo Skira ijtimoiy tarmoqlarda. Oldin aytilganidek, yangi shartnoma 2031 yilning o'rtalarigacha davom etadi. Manbaga ko'ra, amerikalik futbolchining maoshi yiliga 6 million evro bo'ladi.
Krishtian Pulisich 2023 yildan beri «Milan»da o'ynaydi, uning amaldagi mehnat shartnomasi kelasi yil yozda tugaydi. Joriy mavsumda 28 yoshli o'yinchi «rossoneri» safida barcha musobaqalarda 7 o'yinda 2 ta gol va 1 ta golli uzatma qayd etdi.