«Yuventus» «Marsel» yarimhimoyachisi Pyer-Emil Hojbjergni qishki transfer oynasi uchun birinchi navbatdagi variantlardan biri sifatida ko‘rib chiqmoqda. Buni La Gazzetta dello Sport xabar bermoqda.
31 yoshli daniyalik bir necha hafta oldin «Marsel»dan ketishga yaqin edi, ammo kutilmaganda «Nyukasl»ga o‘tishdan bosh tortdi va fransuz klubida qolishga qaror qildi. Bu qaror «Marsel» egasi Frenk MakKortni g‘azablantirdi, chunki u futbolchini sotish orqali klubning moliyaviy holatini yaxshilashni rejalashtirgan edi.
Hozirgi mavsumda yarimhimoyachi «Marsel» uchun 6 ta o‘yinda maydonga tushdi, 6 marta asosiy tarkibda o‘ynadi va 1 gol urdi.
«Yuventus» daniyalikni Turin klubiga o‘tishga ishontirishni umid qilmoqda, chunki tajribali yarimhimoyachi izlamoqda. «Yuventus»ga raqobatni «Fiorentina» ham ko‘rsatadi, u ham Hojbjergning xizmatlariga qiziqmoqda.