«Barselona»ning sport masalalari bo'yicha vitse-prezidenti Rafa Yuste Lamina Yamalning «Oltin to'p» olishiga nomzodligini qo'llab-quvvatladi. Mukofot marosimi 26-oktabrda Londonda bo'lib o'tadi.
Avvalroq 19 yoshli ispaniyalik haqida «Barselona» prezidenti Joan Laporta, sport direktori Deku va bosh murabbiy Hans-Diter Flick ham fikr bildirishgan edi.
«Men uchun u nafaqat o'yin oqimini o'zgartira oladigan eng qobiliyatli futbolchi, balki barchaga tomosha yaratadigan o'yinchi. U yoshida titullarni qo'lga kiritgan muhim o'yinchi», - deb aytgan Yuste «Mundo Deportivo»ga.
«U «Oltin to'p»ni olishga loyiq ekanligini aytishi menga juda yoqadi. Bu uning o'ziga va dunyoga bergan narsalariga sodiqligini anglatadi, bu esa juda muhim. Bu uning xarakterining bir qismini ko'rsatadi, bu yoshda ayniqsa kuchli namoyon bo'ladi».
Joriy mavsumda o'yinchi 6 uchrashuvda 7 gol va 2 assist bilan ajralib turdi.