«Barselona» Al-Xilal bilan portugaliyalik himoyachi Joau Kansuelo to‘g‘risida to‘liq transfer bo‘yicha kelishuvga erishdi. Bu haqda Goal xabar bermoqda.
Ispaniyalik transfer mutaxassisi Xuan Xesusning ma'lumotlariga ko‘ra, bitimning umumiy summasi taxminan 10 million evro bo‘ladi. 32 yoshli futbolchining katalon klubiga ikki yillik shartnoma imzolashi kutilmoqda.
«Barselona»ning bosh murabbiyi Xansi Flik portugaliyalik futbolchining transferini shaxsan qo‘llab-quvvatlagan. Germaniyalik mutaxassis tajribali o‘yinchini o‘ng qanot himoyasini kuchaytirish va hujumlarga samarali qo‘shilish uchun xohlagan.
Kansuelo 2023-24 yilgi mavsumda «Barselona» uchun «Manchester Siti»dan ijaraga olingan edi. 2024 yil yozida himoyachi «Al-Xilal»ga o‘tdi, ammo Saudiya Arabistoni chempionatiga to‘liq moslasha olmadi va o‘tgan qish mavsumida yana katalon klubiga qaytdi.
Endi portugaliyalik futbolchi «Kamp Nou»ga doimiy ravishda qaytishga tayyor.