«Barselona»ning markaziy himoyachisi Pau Kubarsi La Ligada «Atletiko»ga qarshi o‘yinidan so‘ng jurnalistlarning savollariga javob berdi. O‘yinda «sine-granatovlar» 2:1 hisobida g‘alaba qozondi.
«Matraschilar» bilan muhim uchrashuvda uch ochko «Barselona»ga Fermin Lopesning 45 va 66-daqiqalarda kiritgan gollari bilan keltirildi.
«Biz PSJ va «Real»dan keyin hech narsani isbotlashga zarurat his qilmadik. Biz o‘z jamoamizning qanchalik kuchli ekanligini yaxshi bilamiz.
Yuqori darajadagi raqiblar bilan bunday erta bosqichda to‘qnash kelish, hozirgi holatingizni ko‘rsatadi, lekin sovrinlar taqdiri bu darajada tez hal qilinmaydi», – deya The Touchline Kubarsidan iqtibos keltirmoqda.
Eslatib o‘tamiz, 20 oktyabrda «Barselona» Parijda PSJga (2:4) yutqazdi, besh kundan so‘ng esa «El Klasiko»da uyda (1:2) mag‘lub bo‘ldi.