Xorxe Valdano «Real»da Jozef Mourinyo bilan ishlaganida, Madrid klubining ijrochi direktori sifatida faoliyat yuritgan. Valdano portugaliyalik murabbiy bilan bo‘lgan kelishmovchiliklari haqida fikr bildirdi.
«Mourinyo kuchli liderlik qobiliyatlariga va hukmron xarakterga ega. U Zidan, Anchelotti yoki del Boske kabi «Real» bilan katta muvaffaqiyatlarga erishgan murabbiylarga umuman o‘xshamaydi.
Mening Jozef bilan to‘qnashuvlarim? Bizning qarashlarimiz farq qilar edi, bu esa to‘qnashuvlarga olib keldi. Men har doim aqlli insonlar oxir-oqibat bir umumiy nuqtai nazarga kelishadi deb o‘ylardim, lekin bu holatda bunday bo‘lmasligini angladim. Ba'zida kelishmovchiliklar shunchalik katta bo‘ladiki, ularni hal qilishning iloji bo‘lmaydi», - dedi Valdano «Un cafe en las alturas» dasturida.
«Real» hozirda Ispaniya chempionati jadvalida uchinchi o‘rinda turibdi.