«Barselona» yarim himoyachisi Frenki de Yong jarohatdan tiklanish jarayonidagi tanqidlarni sharhladi.
«Bu har doim shunday bo'lgan. Mening maydonda bo'lmasligim va o'ynay olmasligim paytida tanqidlar va atrofimdagi shovqin ko'payadi. Bu safar ham shunday bo'ldi va sabablarini yaxshi tushunaman», - dedi de Yong Ziggo Sportga bergan intervyusida.
«Men muxlislarni yaxshi tushunaman. Ular men o'z terma jamoamda o'ynayotganimni ko'rishadi, lekin o'zlarining sevimli jamoalarida meni ko'rishmaydi. Agar vaziyatni soddalashtirsak, manzara shunday: men jahon chempionatida oxirgi o'yinlargacha o'ynadim, so'ngra uch oy maydonga chiqa olmadim. Men bu his-tuyg'ularni to'liq tushunaman».
De Yong, shuningdek, jarohat va zarur davolanish haqida tarqalgan mish-mishlardan xafa bo'lganini aytdi.
«Men va klub muxlislari bu vaziyatdan noroziman, chunki o'ynashni xohlayman. Ammo men buni qila olmadim, keyin esa jarohatimiz o'ylaganimizdan jiddiyroq ekanligi ma'lum bo'ldi. Shundan so'ng turli xil versiyalar tarqala boshladi va turli voqealar sodir bo'ldi».
O'yinchi allaqachon mashg'ulotlarga qaytdi va «el klasiko» oldidan maydonga qaytishga tayyorligini bildirdi.