Madridning «Real» jamoasining hujumchisi Kilian M'bappe Fransiyaning Onze Mondial jurnalining o'tgan mavsumning eng yaxshi o'yinchisi mukofotiga munosabat bildirdi.
Avval bu mukofotni Zinedin Zidan, Krishtianu Ronaldu, Diego Maradona va boshqa ko'plab futbolchilar qo'lga kiritgan.
«Bu buyuk o'yinchilar o'z izlarini qoldirgan. Ular har doim o'z o'yinlari bilan hayratda qoldirgan, qayerda o'ynashidan qat'i nazar. Albatta, bunday yuqori darajadagi futbolchilar bilan birga bo'lish juda yoqimli», — deya Onze Mondial M'bappenin so'zlarini keltiradi.
O'tgan mavsumda M'bappe «Real» jamoasida 44 ta o'yin o'tkazdi, 42 ta gol urdi va yetti ta golli uzatma berdi.