«Bavariya» Garry Keyn bilan shartnomani uzaytirish bo'yicha muzokaralar olib bormoqda.
33 yoshli futbolchining amaldagi shartnomasi kelasi yilning o'rtalarida tugaydi. Abendzeitung xabariga ko'ra, tomonlar hali ham bir muhim tafsilotni hal qila olishmagan: Myunxen klubi 2029 yilgacha shartnoma taklif qilmoqda, ammo hujumchi 2030 yilgacha davom etadigan shartnoma imzolashni xohlaydi. Shunga qaramay, manbaning aniqlik kiritishicha, muzokaralar muvaffaqiyatli yakunlanish ehtimoli juda yuqori.
Garry Keyn 2023 yil yozida «Tottenhem»dan «Bavariya»ga o'tdi. Ingliz futbolchisi nemis jamoasi safida barcha musobaqalarda 147 o'yinda 146 gol va 33 assist qayd etdi.