Munxenning «Bavariya» klubi yulduz hujumchi Garri Keyn bilan hamkorlikni uzaytirishni maqsad qilmoqda. Bu haqda insayder Fabrizio Romano ijtimoiy tarmoqlarda ma'lum qildi.
Jurnalistning ma'lumotlariga ko'ra, nemis gigantining ingliz golchi vakillari bilan avgust oyida muzokaralarni boshlash rejalari bor. «Bavariya» yetakchi futbolchiga yangi shartnoma taklif etishni ustuvor vazifa sifatida ko'rmoqda, shunda uni jamoada saqlab qolish mumkin. Oxirgi qaror esa Keyn va uning oilasiga bog'liq bo'ladi.
O'tgan mavsumda Germaniya chempionatida 33 yoshli hujumchi eng yaxshi to'purar bo'ldi. Garri 36 ta gol urdi va beshta golli uzatma berdi.