«RB Leypsig» himoyachisi Kastello Lyukeba agar kataloniyalik klub uni yanvar yoki kelasi yozda sotib olishga qaror qilsa, «Barselona»ga o'tishga tayyor.
Jurnalist Ekrem Konur ma'lumotlariga ko'ra, «Barselona» 23 yoshli fransuzni kuzatishda davom etmoqda. Hans-Diter Flick Lyukeba haqida yaxshi fikrlarda va murabbiy himoyachining kataloniyalik klub o'yin uslubiga moslashishiga ishonadi. O'yinchi esa, xabarlarga ko'ra, «Barselona»ning qiziqishini APL klublaridan kelgan takliflarga nisbatan afzal ko'radi.
Yozda «Barselona» himoyani kuchaytirish imkoniyatlarini ko'rib chiqqan va Lyukebaga qiziqish bildirgan, ammo aniq muzokaralarga borilmagan. Hozirda kataloniyalik klub Andreas Kristensenning jarohatidan keyin variantlarni tahlil qilmoqda, lekin agar katta sotuv amalga oshirilmasa, yanvarda himoyachini sotib olishni rejalashtirmayapti.
«RB Leypsig» Lyukebani taxminan 65 million evro evaziga qo'yib yuborishi mumkin.