«Monako» meksikalik yarimhimoyachi Erik Liraning o'tishi bo'yicha og'zaki kelishuvga erishdi. Bitim yakunlanishga yaqin, deb xabar berdi insayder Fabrizio Romano o'z ijtimoiy tarmoqlarida.
«Monako» «Krus Asul»ga 8 million evro to'laydi. Yana 3 million bonus sifatida ko'zda tutilgan. Shuningdek, meksikalik klub Liraning keyingi savdosi summasining 20% ni oladi.
Oxirgi masala hal qilinishi kerak: «Monako» qo'shimcha o'rin bo'shatishi zarur. Shundan so'ng tomonlar hujjatlarni rasmiylashtirish va imzolash jarayoniga o'tadilar.
Lira «Krus Asul»da 200 dan ortiq o'yin o'tkazdi. Shuningdek, uning hisobida Meksika terma jamoasi uchun 29 ta o'yin bor.