«Kristal Pelas» rahbariyati jamoaning darvozaboni Din Xenderson bilan hamkorlikni davom ettirishni xohlaydi. Bu haqda The Athletic xabar bermoqda.
Manbaning ma'lumotlariga ko'ra, «qushlar» 29 yoshli Angliya terma jamoasi darvozaboni uchun yangi shartnoma tayyorlamoqda. Xenderson 2023 yildan buyon «Kristal Pelas»da o'ynaydi va joriy mavsumda Premier-ligada uchta o'yin o'tkazdi. Hozirda o'yinchi jarohatdan tiklanmoqda, ammo uning qaytishi yaqinlashayotgan xalqaro tanaffusdan keyin — «Nottingem Forest»ga qarshi o'yinda kutilyapti, bu klub o'tgan yozda uni sotib olishga harakat qilgandi.
Xendersonning «Kristal Pelas» bilan amaldagi shartnomasi 2028 yilning iyun oyigacha davom etadi.