«Koventri» jamoasining bosh murabbiyi Frenk Lempard «Braiton»ga 0:5 hisobida mag'lub bo'lganidan so'ng fikr bildirdi. Ushbu uchrashuv APLning to'rtinchi turida o'tkazildi.
«Agar o'yinni qizil kartochka berilishidan oldin baholaydigan bo'lsak, bizda yaxshi imkoniyatlar bo'ldi, lekin o'zimizni o'n kishiga qoldirgandan so'ng, bu sifatli o'yinchilarga ega bo'lgan jamoaga qarshi boshqa o'yin bo'ldi. Biz mas'uliyatni o'z zimmamizga olishimiz va qaysi darajaga ko'tarilishimiz kerakligini tushunishimiz kerak», - deb aytgan murabbiy BBCga.
«Bu yerda bosim ko'p, ko'plab o'yinchilar bunday vaziyatga duch kelmagan. Biz ehtiyot bo'lishimiz va o'yin qanday kechganini hisobga olib, bu o'yinni juda chuqur tahlil qilmasligimiz kerak, ishonchni saqlab qolishimiz va birga turishimiz lozim. O'yinchilar salbiy kayfiyatga tushmasligi kerak».
«Haqiqat shundaki, biz hujum oxirida yaxshiroq harakat qilishimiz, gol urishimiz, to'g'ri himoyalanishimiz va diqqatni saqlashimiz kerak. Bu borada biz rivojlanishimiz zarur».
0 ochko bilan «Koventri» musobaqa jadvalining oxirida turibdi.