«Manchester Yunayted» bosh murabbiyi Mikail Karik yarim himoyachi Buru Fernandeshning «Ipsvich» darvozasiga kiritgan xet-trikini yuqori baholadi.
Angliya chempionatining ikkinchi turidagi uchrashuv 5:2 hisobida tugadi. «Qizil iblislar» safida uchta golni Buru Fernandesh kiritdi. Shuningdek, Mbeumo va Grivz (avtogol) ham gol urishdi.
«Buru juda yaxshi o‘ynadi. Buru, Kunya, Kobbi va Tilemans yaxshi hamkorlik qildilar, ayniqsa, Yuri juda yaxshi edi. Ularning ikkinchi taymda o‘zaro kombinatsiyalari va tushunishlari o‘z rolini o‘ynadi», — deydi Karik NBC Sportsga.
Keyingi turda «Manchester Yunayted» «Everton»ga qarshi safarda o‘ynaydi. Uchrashuv 6-sentabrga belgilangan.