«Manchester Siti» bosh murabbiyi Enzo Mareska «Kristal Pelas» ustidan 4:1 hisobidagi g'alabani sharhladi. Sky Sports bilan bo'lgan intervyusida mutaxassis Rayan Sherkining o'yinini alohida ta'kidlab o'tdi, u 2 ta gol urdi.
O'yin haqida:
«Bu stadionda har doim o'ynash qiyin. Biz buni o'yindan oldin bilardik va birinchi bir necha daqiqada bu aniq bo'ldi. Lekin keyin biz o'yin ustidan nazoratni qo'lga oldik. Jamoaning intensivligi va istagi juda yaxshi darajada edi».
Rayan Sherki haqida:
«U bizga juda yordam beradi va kelajakda ham yordam beraveradi. Biz bilamizki, Rayan - yuqori darajadagi o'yinchi. O'tgan o'yinda «Bormut»ga qarshi 2 ta golga uzatma berdi, bugun esa 2 ta gol urdi. Lekin menimcha, Rayan to'p bilan ham, to'psiz ham juda yaxshi o'ynadi. U Uorton ustidan nazoratni ushlab turdi va katta ishlarni bajardi».
Fil Foden haqida:
«U asta-sekin kengroq o'ynashga o'rganmoqda. Biz bilamizki, u qanot o'yinchisi emas, lekin yechimlar topishga harakat qilamiz. Oxirgi 10-15 daqiqa ichida u markazga o'tganda, u yerda ko'proq yoqishini ko'rish mumkin edi. Lekin uning ishga bo'lgan munosabati juda yaxshi edi - aynan bu bizga kerak».
Ushbu o'yindan so'ng «Manchester Siti» musobaqa jadvallarida 6 ochko bilan yetakchilik qilmoqda.