Yarim himoyachi «Brayton» Carlos Baleba o'z karerasini «Manchester Yunayted»da davom ettiradi. Buni The Article xabar qilmoqda.
Manbaga ko'ra, klublar kamerunlik futbolchini 84 million evroga transfer qilishga kelishib oldilar. Ushbu summaga bonuslar ham kiritilgan.
Baleba «Manchester Yunayted» bilan besh yillik shartnoma imzolashga rozi bo'ldi. Kutilmoqda, yaqin kunlarda Baleba tibbiy ko'rikdan o'tadi va ish shartnomasini imzolaydi.
O'tgan mavsumda 22 yoshli Baleba barcha musobaqalarda 35 ta o'yinda qatnashdi, lekin natijali harakatlar bilan ajralib turmadi.
Transfermarkt ma'lumotlariga ko'ra, yarim himoyachining bahosi 55 million evro.