Markaziy himoyachi Ronald Arauho «Liverpul»da ingliz futboliga moslashish haqida savolga javob berdi.
Dushanba kuni «qizillar» urugvaylik futbolchini yangi o'yinchi sifatida taqdim etdilar. 27 yoshli futbolchi «Barselona»dan mavsum oxirigacha ijaraga olingan.
«Menda shubha yo'q. O'ylaymanki, mening sifatlarim APL uchun mukammal, mahalliy o'yin uslubiga juda mos keladi. Men bu chempionatda o'ynashni uzoqdan orzu qilardim. Bu juda kuchli liga bo'lib, ko'pchilik uni dunyodagi eng yaxshisi deb hisoblaydi. Men juda hayajondaman, boshlanishini sabrsizlik bilan kutyapman», – deya Arauho so'zlarini «Liverpul»ning rasmiy saytida keltirmoqda.
Ma'lum bo'lishicha, ijaraga berish shartnomasiga 55 million evro evaziga sotib olish opsiyasi kiritilgan.