«Chelsi» Malayziyaning «Johor Darul Tazim» klubi bilan o'zaro o'yinda 3:3 hisobida durang o'ynadi. O'yinning 89-daqiqasida «Johor» futbolchisi to'pni o'z darvozasiga kiritdi, shunda hisob tenglashdi.
O'yin tugagach, muxlislar penalti seriyasini kutishdi, ammo bu amalga oshmadi: «Johor Darul Tazim» futbolchilari maydonni tark etdilar.
«Chelsi» vakili Kevin Kampello Daily Mail'ga bergan intervyusida penalti seriyasining o'tkazilishi shartnoma bilan belgilanganligini aytdi. Biroq, jamoalar nega penalti urishmaganligi haqida rasmiy tushuntirish berilmadi.
Bu «Chelsi» uchun hafta oxiridagi ikkinchi do'stlik o'yini bo'ldi. Londondan kelgan jamoaning maydonga asosan zaxira futbolchilari tushdi.
«Chelsi» o'zining yozgi tayyorgarlik dasturidagi oxirgi o'yinini kelasi shanba kuni «Real Sosiadad»ga qarshi o'tkazadi.